Interlingua translation of the WAI QuickTips

Nota de Traduction

Le version in Interlingua de iste texto es disponibile a:
http://www.nautilus.com.br/~ensjo/ia/w3.org/WAI/References/QuickTips.
Altere traductiones in Interlingua se trova a http://www.nautilus.com.br/~ensjo/ia/w3.org.
Traductor: Emerson José Silveira da Costa <ensjo@nautilus.com.br>.
Le version anglese de iste texto es disponibile a: http://www.w3.org/WAI/References/QuickTips.

BREVE CONSILIOS PRO CREAR SITOS WEB ACCESSIBILE

Imagines e animationes. Utilizar le attributo alt pro describer le function de cata elemento visual.
Mappas de imagine. Utilizar le elemento MAP in le cliente, e texto pro describer le zonas active.
Multimedia. Fornir legendas e transcriptiones del audios, e descriptiones del videos.
Ligamines de hypertexto. Utilizar texto que face senso quando legite foras de contexto. Pro exemplo, evitar “clicca hic”.
Organization del pagina. Utilizar titulos, listas, e structura coherente. Utilizar CSS pro le effectos de disposition e stilo sempre que illo sia possibile.
Graphicos e diagrammas. Describer los in le corpore del pagina o utiliza le attributo longdesc.
Scripts, applets, e plug-ins. Fornir contento alternative pro le eventualitate que iste functionalitates sia inaccessibile o non supportate.
Quadros. Utilizar NOFRAMES e titulos significative.
Tabulas. Facilitar le lectura linea-a-linea. Resumer.
Verifica tu travalio. Validar. Utilizar le instrumentos, listas de verificationes, e directivas disponibile in www.w3.org/TR/WCAG.