Metaplasmos

Ultra le apocope ja tractate sub le titulo Regula General, occurre ancora le sequente metaplasmos:

Quando se incontra duo vocales equal, o mesmo differente, pote occurrer, ben que non sempre occurre, elision de un de illos, in general le atone:

akã “ramo” + apýra “puncta” = akãpýra o akambýra “puncta de ramo”
îe refl. + ekosúba = îekosúba “obtener”, “gauder de”
îe + ába “aperir” = îába “aperir se”

Es lo que occurre con le prefixos ta-, te-, se-, nda-, etc., que ante vocal perde le vocal final.

Exceptiones: te- + ikó “star” = tekó “star”, “esser”, “modo”, “costume”, “lege (human)”; te- + ína “esser in reposo” = téna “esser in reposo (personas)”; te- + iké “entrar” = teîké “entrar (personas)”. E le correspondente formas pro le classe inferior: sekó, séna, seîké.

Î e ñ a vices se permuta. Proxime a nasal, es preferite ñ: îandé o ñandé “nos”, “nostre”; îakumã o ñakumã “palo de canoe”; îundiá o ñundiá “specie de pisce”; aîamĩ o añamĩ “io lo exprime”.

S precedite per i se transforma in x: i + supé = ixupé “a ille”; i + sý = i xý “su matre”; de subána “suctionar”: aîxubán “io lo suctiona”.

P, m e mb se permuta, a vices tamben b:

a) P initial, non antecedite per genitivo ni per complemento, deveni mb: abá pyá “entranias del homine”: mbyá “entranias (human, in general)”; xe pó “mi mano”: mbó “mano (human)”. Como uno vide, totevia, in le forma mb iste nomines solo se refere al classe human in general.

b) Mb initial a vices se scribe simplemente b: mbó o bó.

c) M final, sequite per vocal tonic, se cambia facultativemente in mb: tým + ára = tymbára o tymára “que interra”; tymbába o tymába “modo, tempore, loco, instrumento, medio o causa de interrar”; sém + é = sembé o semé “exir a parte”; ñau’úma + óka = ñau’umbóka “casa de argilla”; káma “sino” + ’ý “liquido” = kambý “lacte”; ’ú “ingerer” = kambú “suctionar le sino (le baby)”.

d) B final sporadicamente se converte in p: xe rúb! o xe rúp! “oh mi patre!”.

e) B de syllaba final atone deveni p in le gerundio e in le verbales (s)ára e (s)ába: aûsúba “amar”: aûsúpa “amante”, aûsupara “que ama”, aûsupába “loco, tempore, modo, etc. de amar”.

D, n e nd ha inter se le mesme alternantias que il ha inter p, b e mb, excepte (a) e (d): ndasóî o nasóî “io non va”; nde o ne “tu”, “tue”; ñandára o ñanára “que curre”; ñandába o ñanába “modo, etc. de currer”; ñána + é = ñandé o ñané “currer a parte”; amána “pluvia” + ’ý “aqua” = amandý o amaný “aqua de pluvia”.

P initial pote a vices converter se in b quando illo se incontra con le b del syllaba final anterior, con le qual illo se compone: óba “folio” + péba “platte” = obéba “folio platte o large”; kabureýba + potýra = “flor de kabureýba”; ’ába + pukú = abukú “capillo longe”.

Le mesme pote occurrer con m initial: kûába + me’énga = kûame’énga o kûabe’énga “maestrar”.

Mais, in general, in le juxtaposition de duo consonante homorganic, le prime cade: epîáka + katú = epîakatú “vider ben”; aûsúba + beñé = aûsubeñé “amar de novo”.

Le apocope pote occurrer, facultativemente, ancora in le caso in que le consonantes non es homorganic: ñe’engporánga o ñe’ẽporánga “parlar bellemente”; epîakpába o epîapába “vider toto”.

In le tupi meridional (de São Vicente), e multo plus intensemente in le guarani, le tendentia es verso le cadita del consonante que non se trova appoiate super un vocal posterior, del mesme parola (como in le caso del substantivos, adjectivos, infinitivos paroxytone) o del parola sequente:

Tupi septentrional	Tupi meridional	Guarani
asaûsúb abá	asaûsúb abá	ahayhú abá	“io ama le indiano”
asaûsúb xe sý	asaûsú xe sý	ahayhú xe sý	“io ama mi matre”
asaûsúb xe ra’ýra	asaûsú xe ra’ýra	ahayhú xe ra’ý	“io ama mi filio”
asaûsúb xe ra’ýretá	asaûsú xe ra’yretá	ahayhú xe ra’yretá	“io ama mi filios”

Como uno observa, le guarani tende a eliminar le consonante (e le vocal atone) mesmo del nomines paroxytone, salvo quando sequite per altere vocal.

Exceptionalmente, in tupi, le consonantes velar k e (n)g pote resister in le composition: aîpysykpotaribé “io vole prender lo de novo”.

Sequite per certe postpositiones, como -ba’e, pýra, sûára, sûéra, -pe, -me, -pe?, -bo, -te, -ne, bé, -mo, -no, le consonante final sole appoiar se super un y euphonic, que alcun autores scribe, alteres lassa implicite: ogûerobîár(y)ba’e “que crede”; osepîák(y)ba’e “que vide”; oserobîar(y)pýra “que es credite”; oñe’eng(y)xûéra “que parla”; ók(y)pe “in le casa”; pitún(y)me “in le nocte, de nocte”; oaîúr(y)bo “per su collo”; asaûsúb(y)ne “io le amara”; ereîúr(y)pe? “tu ha venite?”; etc.

Obs.: Le postposition -pe ha varie acceptiones: (1) “in”, “a” (loco); (2) “a”, “verso” (direction); (3) “con”, “per” (medio, instrumento); (4) “pro”, “in cerca de”; (5) “pro”, “perque” (causa); (6) “a” (dativo). In le acceptiones (1), (2), (3) e (5), si le syllaba anterior es nasal, -pe se converte in -me; le syllaba atone, si illo es ba o ma, cade:

tába “village”	tápe “in le village”
ko’éma “matino”	ko’éme “in le matino”
ñũ “campo”	ñúme “in le campo”
’ykûára “puteo”	’ykûár(y)pe “in le puteo”
’ánga “umbra”	’áng(y)me “in le umbra”
óka “casa”	ók(y)pe “in le casa”

In le acceptiones (4) e (6), le syllaba anterior se mantene intacte; solmente pote occurrer un nasalization del postposition:

xe rúbape “a mi patre”, “in cerca de mi patre”
xe sumaráme “a mi inimico”, “in cerca de mi inimico”

In composition, un sono nasal del syllaba final del prime elemento pote nasalizar le syllaba initial del secunde elemento:

a) B e p se cambia in m o mb:

gerundio: nupã + -bo = nupámo “flagellante”, “in flagellar”
part. passive adj.: nupã + pýra = nupambýra “flagellate”
part. passive subst.: mi + pûáîa = mimbûáîa “mandate”
verbales: nupã + ába = nupáma “loco, tempore, modo de flagellar”
passato: ñũ + pûéra = ñumbûéra “ex-campo”
postposition -pe: paranã + -pe = paranáme “in le mar”
pref. causative: mo + pába = mombába “destruer”
compositos: mína + pukú = mimbukú “lancea”
akánga + péba = akambéba “capite platte”

b) K se cambia in g o ng:

part. passive subst.: mi + ka’ú = minga’ú “convertite in pappa”
pref. causative: mo + kéra = mongéra “facer dormir”
compositos: akánga + ká = akangá “rumper le capite”
poránga + katú = porangatú “multo belle”

c) T se cambia in d o nd (minus commun):

part. passive subst.: mi + typyrõ = mindypyrõ “convertite in suppa”
pref. causative: mo + tykýra = mondykýra “funder”
compositos: takûare’ẽ + týba = takûare’endýba “plantation de cannas”
amána + tykýra = amandykýra “guttiera del pluvia”
exceptiones: marãtekó “battalia”, amãtirí “fulmine”, etc.
Mais illos tende a perder le nasal: maratekó, amatirí.

d) S e x se cambia in nd:

part. passive subst.: mi + su’ú = mindu’ú “mordite”
pref. causative: mo + sýka = mondýka “concluder”; “accender”
compositos: ména + sý = mendý “matre del marito”, “matre affin”
exception: Tupãsý “Matre de Deo” (neologismo colonial)

e) R se cambia in n:

verbales: arõ + ára = aroána “aquelle qui guarda”
particula -reme: nupã + -reme = nupáneme “quando uno flagella”
particula -ramo: irũ + -ramo = irúnamo “como companion”, “insimul con”

Obs.: Non sole alternar le syllabas que ja es nasal: moséma, mopýma, mosáma, mosãîa, mosýma, motínga, mokónga, mitýma, mipána, tukãtĩ (e non tukandĩ) “becco de tukan (un ave)”.

Un phonema nasal nasaliza levemente le syllabas vicin:

kurumĩ o kunumĩ “puero”: pronunciar kũrũmĩ o kũnũmĩ
Tupã “Deo”: pronunciar Tũpã

Le prefixo causative-comitative ro- deveni no- quando sequite per syllaba nasal:

rotĩ o notĩ “avergoniar se de”
roséma o noséma “retirar”, “exir con”

In vicinitate de nasal, r se dilue in un sono confuse inter r e n:

poránga “belle”: pronunciar põrãnga o põnãnga
piranga “rubie”: pronunciar pĩrãnga o pĩnãnga

A vices r e n se permuta sin motivo:

ybá néma (a vices ybá réma) “fructo mal-odorante”
(s)apó néma (a vices (s)apó réma) “radice mal-odorante”
karagûatá néma (a vices karagûatá réma) un specie de herba

Apparentemente, ja in le tupi pre-colonial le y tendeva a converter se in u. In le phase historic, era facultative u in loco de y in multe voces, particularmente quando vicin a labiales:

pytu’ẽ o putu’ẽ “respirar con difficultate”
pytúna o putúna “nocte”
pybúra o pubúra “revolver le interior o le fundo de”
ymûã o umûã “ja”

In le composition de duo parolas, del quales le prime se termina e le secunde comencia per i o y, non rarmente surge un î euphonic inter le duo:

syrý + ’ý = syryîý “fluvio del cancere”
akutí + ’ý = akutiîý “fluvio del akuti” (mammifero roditor del genere Dasyprocta Ill.)
i + ypý = iîypý = “su principio”
i + ybõ = iîybõ = “flechar lo”

Minus commun, mais le î euphonic pote apparer tamben con altere vocal:

i + apó = iîapó “facer lo”
i + aeté = iîaeté “illo es excellente”

Eventualmente occurre le assimilation del i per le î:

aiîapó = aîapó “io lo face”
aiîuká = aîuká “io lo assassina”

In le proximitate de sono nasal, le î euphonic pote esser substituite per ñ, que a su vice pote assimilar le i.

aiîybõ, aîybõ, aiñybõ o añybõ “io lo flecha”
aiîamĩ, aîamĩ, aiñamĩ o añamĩ “io lo exprime”

R final se permuta per t — metaplasmo commun inter le tamoios, rar mais elegante inter le altere tribos:

mosapýr o mosapýt “tres”
aîúr o aîút “io ha venite”
xe ra’ýr! o xe ra’ýt! “oh mi filio!”

Ensjo :: Pagina Initial :: Tupi